"Eskola porrota, Gurutze Gorriaren kezka nagusietariko bat"

Gaur aldizkaria irakurtzen nengoela, eskola porrotari buruzko berri hau ikusi dut aldizkarian:

"Material gabeziaz gain, Gurutze Gorriari eskola porrotaren indize hain altuak kezkatzen dio, honek gure herrialdearen etorkizuna baldintzatzen baitu

Horregatik,  eskola arrakasta sustatzeko ahalegin handiak egiten ari dira. Dauzkaten bolondresen laguntzarekin, eskola laguntza ematen da hainbat zentotan, ludoteketan.. honekin eskola arrakasta sustatzeko helburuarekin. Instituzio honek, bere kezka azaldu nahi du eta ahal duten guztia egiten ari dira eskola porrotaren portzentaiek gure herrialdean behera egin dezaten"


Gurutze Gorria eta honelako beste instituzio batzuk, eskola porrotari buruz kezkatzea eta haien laguntza eskaintzea ideia ona iruditzen zait, gainera modu honetan, arazo honetaz kontziente ez diren pertsonak, konturatu ahal izango dira eskola porrotaren gaur egungo zifra altuetaz eta honek suposatzen duen arazo eta kontsekuentziez eta haien laguntza eskeini dezakete baita ere ahal izanez gero.

"Eskola porrota eragozteko zenbait teknika"

Ikasteko teknikak

ikasten ere ‘ikasi egiten da’

“Saiatzen naiz, baina ez zait sartzen”, “ez dut ulertzen irakasleak esplikatzen duena” “aurreko egunean ikasi nuenaz ez naiz gogoratzen”. Ziur behin baino gehiagotan entzun ditugula esaldi horiek edo antzeko beste batzuk gure seme-alaben ahotik. Eta ez dira aitzakia hutsak.
Sarritan, eskolako porrota kontzeptuak modu egokian ez asimilatzearen ondorioa izan daiteke, ikasten ere ‘ikasi egiten da eta’. Jende guztiak ez daki kontzeptuak modu egokian memorizatzen, ideia nagusiak eta bigarren mailakoak bereizten, gaiak laburtu eta antolatzen eta abar. Badira lan horiek guztiak egiteko berezko trebetasuna duten ikasleak, baina beste batzuek, ordea, eta horrelakoak dira gehienak, laguntza beharko dute ataza horiek egiteko. Horrexegatik, ikastetxe batzuetan jadanik hasi dira ikasleei trebakuntza hori ematen. Zure kasuan horrela ez bada, lasai, zure semearen edo alabaren tutoreak edo irakasleak lagundu ahalko dizulako.
Zer egin dezakete gurasoek?
Eskolako porrota ez da gauetik goizera agertzen den zerbait. Eta, gainera, arazo horri aurrea hartzea badago, hasiera-hasieratik neurri egokiak hartuz gero.
Txiki-txikitatik estimula ezazu umea
Ume baten aurreneko urteak erabakigarriak dira garapen intelektualerako. Garrantzi handikoa da, beraz, estimulu egokiak eskaintzea, galderak eginez, musikaren laguntzarekin, marraztera bultzatuz, etab.
Eredu ona emaiozu
Umeak zer ikusi, hura ikasi. Horrexegatik, garrantzitsua da zuri ere kultura interesatzen zaizula umeari azaldu eta frogatzea: liburuak gomendatuz, antzerki-aretoetara edo erakusketetara joanez…
Ikasketekiko interesa azaldu
Eta ez notekin bakarrik. Zein liburu ari den irakurtzen galde iezaiozu edo etxeko lanekin laguntza eskaini. Denbora asko ez bada ere, minutu batzuk berarekin ematea benetan eskertuko dizu.
Ez exijitu gehiegi
Gurasook beti nahi dugu onena gure seme-alabentzat, baina kontuz! Ez nekatu eskolaz kanpoko jarduerekin, klase bereziekin, etab. Emaitza okerragoak lortzeko arriskua dago.
Sekula ez egin konparazioak
Ume bakoitzak bere maila du, ez bere anai-arrebena.
Irakaslearekin harremanetan egon
Behin eta berriz hitz egin harekin. Aholkua eskatu eta jarraitu beharreko estrategiarik onena hitzartu. Batasunak indarra ematen du.

"Zer egin eskola porrota gainditzeko?"

"Eskola-porrotaren zifrak urtetik urtera beldurgarriagoak dira geure artean. Duela gutxi kaleratutako inkesta batek dioenez, Derrigorrezko Bigarren Hezkuntzako (DBHko) laugarren urtea gainditzea lortzen ez duten ikasleak % 31,9 dira, zifra benetan altua. Zer egin dezakegu gisa horretako egoera baten aurrean? Eta, hobeto oraindik, ba ote da horrelako egoerak ez gertatzeko gurasook egin dezakegun zerbait?"

Arrazoiak bilatu

Egoera horren aurrean egin beharreko lehenengo gauza gure semearen edo alabaren errendimenduari eragin diezaioketen kausa edo arrazoi posibleak detektatzea da.

Familiako giroa

Familian bizi duten giroa izaten da gazteen ikasketetan gehien eragiten duen faktoreetako bat. Gurasoen jarrera gogor edo zorrotzegia, anai-arreba txikiagoren batek eragindako zeloak, maitasun falta, norbere gaitasun eta ahalmenekiko konfiantzarik eza, etab. izan daitezke eskolako porrotaren arrazoiak.
Kasurik gehienetan, faktore horiek benetan gertatu ez arren ere, umeak horietan sinesten badu, eragina egiazkoa izango da. Horregatik, kasu hauetan onena gure seme-alabekin hitz egitea da, egia osoa mahai gainean jartzea, inolako mehatxu eta zigorrik gabe, beretzat hain kaltegarria den egoera hori konpontzen saiatzeko. Beste kasu batzuetan, ordea, psikologo edo hezitzaile espezializatuen laguntza eskatzea beharrezkoa da.

Motibazio falta 

Gure seme-alabek nota txarrak ateratzeak ez du esan nahi ezinbestean ikasteko gaitasunik ez dutenik. Adibide batzuk emateko, Einstein adimen urrikotzat jo zuten eskolan, eta Goethe idazle handiak ez omen zuen ortografian gutxieneko maila gainditzen. Gaztea desmotibatua dagoenean, oso gauza normala da ikasketetan ere mailarik ez ematea.
Egoera horren aurrean, benetan interesatzen zaion gai bat lantzera animatu behar genuke, nahiz eta eskolako gaien artean egon ez. Ez dio axola, hasiera batean, mitologia greziarra den edota gehien gustatzen zaizkion musika-taldeak diren. Kontua gaztearen interesa piztea da, eta metodologia akademikoa erabiltzen ikastea. Horrela, hain erakargarriak gertatzen ez zaizkion gaiak ikasten hastea errazagoa gertatuko zaio. Tutorearen edo irakaslearen laguntza eska dezakegu, dena den.

Arazo fisiko edo psikologikoak 

Ez dira sarritan gertatzen, baina ezin dira aldez aurretik baztertu; izan ere, batzuetan eskolako errendimendu baxua (porrotera iritsi gabe ere) arrazoi fisiologikoengatik izan daiteke: entzumen- edo ikusmen-arazoak, hizketaren ingurukoak, dislexia eta abar. Normalean adinez gazteagoak diren umeei erasaten dieten faktoreak izan ohi dira, eta diagnostikatu ondoren, lan bereziarekin edota laguntza-geletan gainditzen dira.

Ikasturtea errepikatu behar denean

Hala ere, zenbait kasutan, eskolako porrota oso nabarmena denean, umeak edo gazteak ikasturtea errepikatzeko aukera planteatu beharko da. Ikastetxeak berak edo tutoreak esango digute erabaki hori hartu behar den ala ez.

Ez da zigorra, ezta porrota ere 

Ikasturte bat errepikatzea ez litzateke, ezinbestean, zigor edota porrot moduan hartu behar, maila berregokitzeko saio moduan baizik. Ikasleak nola edo hala, kosta ahala kosta, maila gainditzen saiatzea, horretarako mailarik ematen ez duela argi eta garbi ikusten denean, akats handia da. Egoera luzatu eta arazoa okerragotu besterik ez dugu egingo. Erabaki egokia hartzen ez bada, porrota gero eta nabarmenagoa izango da.

Segurtasun handiagoa 

 

 

Ume baten lehenengo urteak erabakigarriak dira garapen intelektualerako.

Urte bat errepikatzea ez da esperientzia traumatikotzat hartu behar. Umeak bere ikasketetan segurtasuna hartu eta eskolako porrota gainditzen duen heinean, errazago ulertu eta ikusiko du hartutako erabakia, errepikatzea alegia, onerako izan dela.

Zer da eskola porrota?

Blog hau, eskola porrotaren inguruko informaziorekin bidertzea erabaki dut. Hasteko eskola porrota zer den ikusiko dugu. 

Eskola porrota haur edo gazte baten errendimendu akdemiko eskasa eta iraunkorra da, aurreikusten diren epeetan curriculuma betetzea eragozten duena. Egungo ikuspegi pedagogiko gehienen arabera, eskola porrota ez da haurraren porrota, baizik eta hezkuntza-sistemak haurraren egoera eta beharretara egokitzeko ezintasuna. Areago, haurrak bere ikaskuntza-prozesuan dituen berezko zailtasunez haraindi, eskola porrota gizarteak hezkuntza eta kultura zabaltzean eta, hortaz, gizarte-aukerak banatzean sortzen dituen ezberdintasunekin loturik dagoela ere baieztatu da. Horrela, eskola porrot termino akademizista gutxiesgarria gainditu nahian, alternatiba zenbait ikasle hauek hezkuntza-sistematik baztertuta gera ez daitezen, egokitzapen kurrikularrak esaterako.